لاہور: (رائیٹ ناؤ نیوز) پنجاب کے مختلف اضلاع میں 23 اگست تک بارشوں کی پیشگوئی کی گئی ہے۔ پی ڈی ایم اے کے مطابق آئندہ 24 گھنٹوں میں بھی مون سون بارشوں کا امکان ہے۔

گزشتہ 24 گھنٹوں میں سیالکوٹ میں 87 ملی میٹر بارش ہوئی جبکہ مری اور نارووال میں 53 ملی میٹر ریکارڈ ہوئی۔ راولپنڈی، گجرات اور اٹک میں بھی معمولی بارش ہوئی۔

پی ڈی ایم اے نے راولپنڈی، اٹک، چکوال، اور دیگر علاقوں میں مزید بارشوں کی پیشگوئی کی ہے۔ بڑے شہروں میں اربن فلڈنگ کا خدشہ ہے۔

واضح رہے کہ بڑے شہروں میں اربن فلڈنگ کی صورت میں انتظامیہ کو الرٹ رہنے کی ہدایت کی گئی ہے۔ محکمہ صحت اور دیگر محکموں کو بھی تیار رہنے کا کہا گیا ہے۔

یاد رہے کہ مون سون بارشوں کے دوران بوسیدہ مکانات گرنے سے اموات کی رپورٹیں ملی ہیں۔ شہریوں کو محفوظ مقامات پر رہنے کی اپیل کی گئی ہے۔