اسلام آباد: (رائیٹ ناؤ نیوز) پاکستان سمیت 12 اسلامی ممالک نے شام پر اسرائیلی حملوں کے خلاف شدید احتجاج کیا ہے۔ ان ممالک نے اقوام متحدہ سے شام کی خودمختاری کے تحفظ کے لیے کردار ادا کرنے کی اپیل کی ہے۔

پاکستان، ترکیہ، الجزائر، انڈونیشیا، اردن، لبنان، ملائیشیا، موریطانیہ، فلسطین، قطر، سعودی عرب اور صومالیہ کے وزرائے خارجہ نے مشترکہ بیان جاری کیا ہے۔ انہوں نے اسرائیل کے شام کے ابو الظہور فوجی اڈے پر حملے کی مذمت کی ہے۔

بیان میں کہا گیا کہ اسرائیلی حملے شام کی علاقائی سالمیت کی خلاف ورزی ہیں اور بین الاقوامی قوانین کی خلاف ورزی کرتے ہیں۔ شام کی تعمیر نو کی کوششوں میں رکاوٹ ڈال رہے ہیں۔

اعلامیے میں عالمی برادری سے مطالبہ کیا گیا ہے کہ وہ اسرائیلی جارحیت کے خلاف مضبوط موقف اختیار کرے۔ 1974 کے انخلا کے معاہدے کی پاسداری کو یقینی بنایا جائے۔

واضح رہے کہ شام میں اسرائیلی حملے انسانی بحران کو مزید سنگین بنا رہے ہیں۔ اسلامی ممالک نے اقوام متحدہ کے چارٹر کی حفاظت کا مطالبہ کیا ہے۔