اسلام آباد: (رائیٹ ناؤ نیوز) حکومت نے پیٹرولیم مصنوعات کی قیمتوں میں اضافہ کردیا ہے۔ اس حوالے سے نوٹیفکیشن جاری کردیا گیا ہے۔

پیٹرولیم ڈویژن کے مطابق آئل اینڈ گیس ریگیولیٹری اتھارٹی (اوگرا) نے وفاقی حکومت کے میکنیزم کے تحت پیٹرولیم مصنوعات میں تبدیلی کی ہے۔

نوٹیفکیشن کے مطابق ہائی اسپیڈ ڈیزل کی فی لیٹر قیمت میں 1 روپے 64 پیسے کا اضافہ کیا گیا ہے، جس سے قیمت 364 روپے 70 پیسے ہوگئی ہے۔

پیٹرول کی فی لیٹر قیمت میں بھی 27 پیسے کا اضافہ کیا گیا ہے، اس اضافے کے بعد قیمت 337 روپے 78 پیسے ہوگئی ہے۔

یاد رہے کہ پیٹرولیم مصنوعات کی نئی قیمتوں کا اطلاق 21 اگست 2026 سے ہوگا، جس کا اثر عوام پر فوری پڑے گا۔