اسلام آباد: (رائیٹ ناؤ نیوز) وزارت خزانہ نے ملکی قرضوں کی تفصیلات جاری کی ہیں۔ دسمبر 2025ء تک پاکستان کا کل قرضہ 81 ہزار 374 ارب روپے بتایا گیا ہے۔ حکومت نے 5 برس میں قرضوں پر 32 ہزار 239 ارب روپے سود ادا کیا۔

وزارت خزانہ نے سینیٹ اجلاس کے دوران قرضوں کی تفصیلات پیش کیں۔ رپورٹ کے مطابق پاکستان کا اندرونی قرضہ 55 ہزار 363 ارب روپے جبکہ غیر ملکی قرضہ 23 ہزار 166 ارب روپے ہے۔

حکام کے مطابق آئی ایم ایف سے 2 ہزار 845 ارب روپے قرضہ لیا گیا۔ سال 2021ء سے 2026ء تک حکومت نے مجموعی طور پر 32 ہزار 239 ارب روپے سود ادا کیا۔

قرضوں کی ادائیگی ملکی معیشت پر بھاری بوجھ ہے۔ حکومت نے 2021ء سے 2026ء تک 1 لاکھ 2 ہزار 780 ارب روپے کا قرضہ واپس کیا ہے۔

یاد رہے کہ پاکستان کی معیشت میں قرضوں کا بوجھ بڑھتا جا رہا ہے۔ قرضوں کی ادائیگی کے باعث ترقیاتی منصوبے متاثر ہو سکتے ہیں۔