کراچی: (رائیٹ ناؤ نیوز) پاکستان میں سونے کی قیمت میں 13 ہزار 700 روپے کا اضافہ ہوا۔ عالمی مارکیٹ میں سونے کی قیمت بڑھنے کی وجہ سے یہ اضافہ ہوا ہے۔

بین الاقوامی مارکیٹ میں فی اونس سونے کی قیمت 137 ڈالر بڑھ کر 4 ہزار 495 ڈالر ہوگئی۔ پاکستان میں فی تولہ سونا 4 لاکھ 71 ہزار 936 روپے تک پہنچ گیا۔

مقامی صرافہ بازاروں میں دس گرام سونے کی قیمت 10 ہزار 768 روپے کے اضافے کے ساتھ 4 لاکھ 4 ہزار 609 روپے ہوگئی۔

چاندی کی قیمت میں بھی اضافہ دیکھا گیا ہے۔ فی تولہ چاندی کی قیمت 317 روپے بڑھ کر 7 ہزار 169 روپے ہوگئی۔

یاد رہے کہ عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھتے ہیں۔