اسلام آباد: (رائیٹ ناؤ نیوز) وزیراعظم شہباز شریف نے ایندھن کی قیمتوں میں کمی کے لیے فوری اقدامات کا حکم دیا ہے۔ انہوں نے وزیر پیٹرولیم علی پرویز ملک سے ملاقات میں عوامی ریلیف فراہم کرنے کے طریقوں پر غور کیا۔

ملاقات میں وزیر اطلاعات، وزیر اقتصادی امور، وزیر موسمیاتی تبدیلی اور حمزہ شہباز بھی شریک تھے۔ وزیراعظم نے وزیر پیٹرولیم کو فوری کراچی جا کر آئل ریفائنریز سے مذاکرات کرنے کی ہدایت کی۔

شہباز شریف نے کہا کہ ڈیزل کی زیادہ تر مقدار مقامی ریفائنریز میں تیار ہوتی ہے۔ انہوں نے وزیر پیٹرولیم کو مقامی ڈیزل کی قیمتوں میں کمی کو یقینی بنانے کی ہدایت کی ہے۔

وزیراعظم نے زور دیا کہ ریفائنریز سے مذاکرات جلد مکمل کیے جائیں تاکہ عوام کو فوری ریلیف پہنچایا جا سکے۔ حکومت کی کوشش ہے کہ ایندھن کی قیمتوں میں کمی کا فائدہ فوری طور پر عوام تک پہنچایا جائے۔

واضح رہے کہ حکومت نے عوامی ریلیف کے لیے مختلف اقدامات کیے ہیں، اور ایندھن کی قیمتوں میں کمی بھی ان ہی کوششوں کا حصہ ہے۔