پشاور: (رائیٹ ناؤ نیوز) پشاور کو تاریخ میں پہلی بار اسکواش کے عالمی مقابلوں کی میزبانی کا اعزاز حاصل ہوا ہے۔ شمس القمر پی ایس اے سیٹلائٹ انٹرنیشنل اسکواش چیمپئن شپ 20 سے 24 اگست 2026 تک منعقد ہوگی۔

یہ پانچ روزہ ایونٹ خیبرپختونخوا اسکواش ایسوسی ایشن کے زیر اہتمام اور شمس القمر فاؤنڈیشن کے تعاون سے منعقد ہوگا۔ مقابلے میں ایک ہزار امریکی ڈالر کی انعامی رقم رکھی گئی ہے۔

پاکستان بھر سے 32 بہترین اسکواش کھلاڑی ٹورنامنٹ میں شرکت کریں گے۔ انہیں پروفیشنل اسکواش ایسوسی ایشن (پی ایس اے) کے تحت عالمی رینکنگ پوائنٹس حاصل کرنے کا موقع ملے گا۔

چیمپئن شپ کی افتتاحی تقریب 20 اگست کو ہوگی۔ مین ڈرا اور ناک آؤٹ راؤنڈز 20 سے 23 اگست تک جاری رہیں گے، جبکہ فائنل 24 اگست کو ہوگا۔

واضح رہے کہ پشاور کی اسکواش کے حوالے سے شاندار تاریخ ہے۔ سابق عالمی نمبر ایک قمر زمان نے کہا کہ یہ مقابلے نوجوان کھلاڑیوں کی صلاحیتوں کو اجاگر کریں گے۔