دبئی: (رائیٹ ناؤ نیوز) خلیج میں بڑھتی کشیدگی اور آبنائے ہرمز کی صورتحال سے متحدہ عرب امارات کی متعدد پروازیں متاثر ہوئی ہیں۔ اتحاد ایئرویز اور ایئرعریبیہ نے بعض پروازیں منسوخ کی ہیں۔

عرب میڈیا نے بتایا کہ اتحاد ایئرویز نے 21 اگست تک 6 پروازیں منسوخ کی ہیں، جبکہ ایئرعریبیہ کی بھی 5 پروازیں منسوخ ہیں۔

خلیج کی صورتحال کے باعث بحرین، کویت اور دیگر علاقائی مقامات کے لیے فضائی آپریشن متاثر ہوا ہے، مگر کچھ روٹس پر پروازیں جاری ہیں۔

برٹش ایئرویز نے 25 اکتوبر تک دبئی، تل ابیب، بحرین اور عمان کے لیے پروازیں معطل کی ہیں، دوحہ و ریاض کے لیے پروازیں کم کی جائیں گی۔

یاد رہے کہ ایئرلائنز نے مسافروں کو ہدایت کی ہے کہ پرواز کے اسٹیٹس کو سفر سے قبل چیک کریں، کیونکہ مزید تبدیلی ممکن ہے۔