اسلام آباد: (رائیٹ ناؤ نیوز) پاکستان میں حج 2027 کے لیے اخراجات کا اعلان کر دیا گیا ہے۔ سرکاری حج سکیم کے تحت حج کرنے والوں کو تقریباً 13 لاکھ روپے ادا کرنے ہوں گے۔

وفاقی وزیر مذہبی امور سردار محمد یوسف نے پریس کانفرنس میں بتایا کہ درخواستوں کا عمل 17 اگست سے ڈیجیٹل سسٹم کے ذریعے شروع ہوگا۔ حج کی رجسٹریشن کی منظوری 22 جون کو دی گئی تھی۔

حکومت نے سرکاری حج سکیم کے تحت 1 لاکھ 7 ہزار 526 عازمین کا کوٹہ مقرر کیا ہے۔ حج کا دورانیہ 40 دن ہوگا اور ہر عازم کو 12 لاکھ روپے ادا کرنے ہوں گے۔

مختصر دورانیے کی حج سکیم میں 13 لاکھ روپے فی عازم لاگت آئے گی۔ اس اسکیم کے تحت 30 ہزار عازمین حج کا کوٹہ مختص کیا گیا ہے۔

یاد رہے کہ حکومت نے حج 2027 کے لیے پورے نظام کو ڈیجیٹل کر دیا ہے۔ اب درخواستیں حج ایپلیکیشنز کے ذریعے جمع اور ادائیگیاں آن لائن کی جائیں گی۔