اسلام آباد: (رائیٹ ناؤ نیوز) ہارون اختر کو صنعت و پیداوار کیلئے وزیراعظم کا مشیر مقرر کر دیا گیا ہے۔ حکومت نے باضابطہ نوٹیفکیشن جاری کرتے ہوئے انہیں وفاقی وزیر کا درجہ دیا ہے۔

وزیراعظم کی جانب سے ہارون اختر کی تقرری کا نوٹیفکیشن کابینہ ڈویژن نے جاری کیا ہے۔ وہ فوری طور پر اپنی ذمہ داریاں سنبھالیں گے۔

ہارون اختر صنعت و پیداوار کے قلمدان کے ساتھ وزیراعظم کے مشیر کی حیثیت سے کام کریں گے۔ ان کا کاروباری اور عوامی خدمت کا نمایاں ریکارڈ ہے۔

ہارون اختر نے کینیڈا کی یونیورسٹی آف مینی ٹوبا سے ماسٹر آف سائنس کی ڈگری حاصل کی۔ وہ کینیڈین انسٹی ٹیوٹ آف ایکچوریز کے فیلو ہیں۔

یاد رہے کہ ہارون اختر نے 2015 سے 2018 تک معاونِ خصوصی برائے محصولات کی حیثیت سے خدمات انجام دیں۔ انہوں نے بزنس ٹو بزنس تعلقات کو مضبوط کیا۔