اسلام آباد: (رائیٹ ناؤنیوز) گاڑیوں کے ٹرن سگنل کی کلک کلک کی آواز کا راز دریافت کر لیا گیا ہے۔ یہ آواز گاڑیوں کے ڈیش بورڈ میں موجود تیر کے جلنے بجھنے کے ساتھ نکلتی ہے۔

یہ آواز ایک خاص ردھم میں سنائی دیتی ہے۔ ٹیکنالوجی میں پیشرفت کے باوجود یہ فیچر برسوں سے تبدیل نہیں ہوا۔ ٹرن سگنل کی یہ آواز حرارت کا نتیجہ ہوتی تھی۔

حالیہ عرصے میں گاڑیوں میں کمپیوٹرز کے ذریعے ٹرن سگنل متحرک کیے جاتے ہیں۔ کلک ساؤنڈ کو برقرار رکھا گیا ہے تاکہ ڈرائیورز کو اس کی عدم موجودگی پریشان نہ کرے۔

یہ ٹرن سگنل 1930 کی دہائی کے آخر میں گاڑیوں میں متعارف ہوا تھا۔ اس کی کلک ساؤنڈ دراصل حرارت کے ذریعے متحرک ہونے والے اسپرنگ سے پیدا ہوتی تھی۔

واضح رہے کہ اب الیکٹرو میگنیٹ اور چپ کے ذریعے برقی لہروں کا استعمال کیا جاتا ہے۔ کلک کی آواز کو برقرار رکھنے کا مقصد ڈرائیورز کی سہولت ہے۔