واشنگٹن: (رائیٹ ناؤنیوز) بدنام زمانہ سرمایہ کار جیفری ایپسٹین کی جائیداد کی وارث ڈاکٹر کیرینا شولیاک خبروں میں ہیں۔ امریکی محکمہ انصاف کی جانب سے جاری دستاویزات نے ان کی زندگی پر ایپسٹین کے اثرات کو اجاگر کیا ہے۔

ایپسٹین نے 2019 میں اپنی موت سے قبل ڈاکٹر کیرینا کو 10 کروڑ ڈالر کے ٹرسٹ کا وارث بنایا تھا۔ تاہم، ان کے اثاثے منجمد ہونے کے باعث یہ دولت متاثرین کو معاوضے میں استعمال ہو سکتی ہے۔

کیرینا شولیاک بیلاروس سے امریکا آئیں اور ایپسٹین سے 2011 میں ملاقات کی۔ ایپسٹین نے ان کی تعلیم، ویزا، اور کاروباری معاملات میں مدد کی۔

دستاویزات کے مطابق شولیاک ایپسٹین کی جائیداد اور گھروں کے انتظام میں شامل رہیں۔ ملازمین انہیں ایپسٹین کی قابل اعتماد ساتھی سمجھتے تھے۔

واضح رہے کہ امریکی تفتیش کاروں نے شولیاک پر ایپسٹین کے جنسی جرائم یا اسمگلنگ میں شریک ہونے کا الزام نہیں لگایا۔ ان کی زندگی پر ایپسٹین کا اثر نمایاں تھا۔