اسلام آباد: (رائیٹ ناؤ نیوز) پاکستان میں مویشیوں کی تعداد میں ریکارڈ اضافہ ہو رہا ہے۔ ڈیری اور گوشت کے شعبے میں بھی نمایاں وسعت دیکھنے میں آئی ہے۔

ادارہ شماریات کی 7ویں زرعی مردم شماری 2024 کے مطابق گزشتہ 18 سالوں میں مویشیوں کی تعداد میں 89 فیصد اضافہ ہوا ہے۔ یہ اضافہ لائیو اسٹاک سیکٹر کی مضبوطی کو ظاہر کرتا ہے۔

اعداد و شمار کے مطابق بھینسوں کی تعداد میں 75 فیصد اور بکریوں کی تعداد میں 78 فیصد اضافہ ہوا ہے۔ ڈیری گائیوں کی تعداد میں 140 فیصد اور ڈیری بھینسوں کی تعداد میں 111 فیصد اضافہ ریکارڈ کیا گیا ہے۔

ماہرین کا کہنا ہے کہ جدید ڈیجیٹل مردم شماری نظام منصوبہ بندی اور پالیسی سازی میں مددگار ثابت ہو رہا ہے۔ یہ ترقی سرمایہ کاری، پیداوار اور برآمدات کے نئے مواقع فراہم کر رہی ہے۔

یاد رہے کہ یہ پیش رفت پاکستان کے زرعی شعبے کی بہتری، دیہی معیشت کے استحکام اور لائیو اسٹاک سیکٹر کی اہمیت کو بڑھا رہی ہے۔