غزہ: (رائیٹ ناؤ نیوز) فلسطینی تنظیم حماس نے غزہ میں اپنی حکومت ختم کرنے کا اعلان کر دیا ہے۔ اس اقدام کے بعد غزہ میں سول انتظامیہ کے قیام کی راہ ہموار ہو گئی ہے۔

حماس کے حکومتی میڈیا آفس کے سربراہ نے بتایا کہ حکومتی ایمرجنسی کمیٹی کے سربراہ نے استعفیٰ دے دیا ہے۔ کمیٹی کو تحلیل کرنے کا فیصلہ کیا گیا ہے تاکہ اختیارات کی منتقلی میں آسانی ہو سکے۔

یہ فیصلہ حماس کے لیے ایک بڑی سیاسی تبدیلی ہے، جو 2007 سے غزہ پر حکمرانی کر رہی ہے۔ حماس کا کہنا ہے کہ یہ اقدام اسرائیل کو جنگ کا جواز فراہم کرنے سے روکنے کے لیے اٹھایا گیا ہے۔

نیشنل کمیٹی برائے انتظام کی سربراہی فلسطینی ٹیکنوکریٹ علی شعتھ کریں گے، جس کا قیام امریکی صدر کی مدد سے ہوا تھا۔ یہ کمیٹی غزہ کے انتظامی امور سنبھال سکتی ہے۔

واضح رہے کہ اس کمیٹی کا غزہ منتقل ہونا ابھی باقی ہے، کیونکہ اسرائیل کی جانب سے اعتراضات موجود ہیں۔ حماس کا مطالبہ ہے کہ مؤثر فلسطینی انتظامیہ کے قیام کے بغیر کوئی پیش رفت ممکن نہیں۔