گلگت: (رائیٹ ناؤ نیوز) چیئرمین پیپلز پارٹی بلاول بھٹو زرداری نے گلگت بلتستان میں پیپلز پارٹی کے مینڈیٹ کو تسلیم کرنے پر وزیراعظم کا شکریہ ادا کیا ہے۔ بلاول نے اس بات کا اعلان وزیر اعلیٰ امجد حسین ایڈووکیٹ کی تقریب حلف برداری کے دوران کیا۔

بلاول بھٹو زرداری نے کہا کہ مسلم لیگ کے نمائندوں نے گلگت بلتستان میں ہماری حمایت کی ہے۔ انہوں نے کہا کہ ہم مل کر اس خطے کی ترقی کے لئے کام کریں گے اور عوام کو ان کے حقوق دلائیں گے۔

انہوں نے کہا کہ گلگت بلتستان کے عوام ذوالفقار علی بھٹو کو یاد کرتے ہیں اور انہوں نے ڈوگرہ راج سے آزادی حاصل کی۔ بلاول نے عوام کی قربانیوں کو خراج عقیدت پیش کیا اور کہا کہ آئینی حقوق دلائیں گے۔

بلاول نے مزید کہا کہ پبلک پرائیویٹ پارٹنر شپ کے ذریعے فارمنگ کی جائے گی۔ انہوں نے کہا کہ یہ زمین آپ کی ہے اور آپ کو فیصلہ کرنا ہے کہ اس کا کیا کرنا ہے۔ معاشی ماحول بنائیں گے تاکہ روزگار ملے۔

واضح رہے کہ گلگت بلتستان میں بلدیاتی انتخابات کا اعلان سردیوں سے پہلے کیا گیا ہے۔ بلاول نے کہا کہ حکومت جیتنے والے اور ہارنے والے دونوں کی ہے اور کسی جماعت کو فرق محسوس نہیں ہونے دیں گے۔