لاہور میں امریکہ کے 250ویں یومِ آزادی کی تقریب، پاک-امریکہ تعلقات کو مضبوط بنانے پر زور دیا گیا۔
لاہور: (رائیٹ ناؤ نیوز) لاہور کے حضوری باغ میں امریکہ کے 250ویں یومِ آزادی کی تقریب منعقد ہوئی۔ سینئر صوبائی وزیر مریم اورنگزیب نے وزیراعلیٰ پنجاب مریم نواز شریف کی نمائندگی کرتے ہوئے شرکت کی۔
تقریب میں امریکی قونصل جنرل اسٹیٹسن سینڈرز، سرکاری حکام، سفارتی نمائندگان، کاروباری شخصیات اور تعلیمی ماہرین نے شرکت کی۔ تقریب کا آغاز پاکستان کے قومی ترانے سے ہوا، اور بعد ازاں مختلف تقریبات کا انعقاد کیا گیا۔
مریم اورنگزیب نے تقریب میں خطاب کرتے ہوئے امریکی عوام کو مبارکباد دی اور کہا کہ پاک-امریکہ تعلقات جمہوری اقدار اور باہمی احترام پر مبنی ہیں۔ انہوں نے تعلیم، صحت، ٹیکنالوجی اور اقتصادی تعاون کو مضبوط بنانے کی ضرورت پر زور دیا۔
انہوں نے بتایا کہ وزیراعظم شہباز شریف اور فیلڈ مارشل سید عاصم منیر کی قیادت میں پاکستان ترقی کے سفر پر گامزن ہے۔ انہوں نے والڈ سٹی آف لاہور اتھارٹی اور امریکی قونصل خانے کو تقریب کے کامیاب انعقاد پر مبارکباد دی۔
یاد رہے کہ امریکہ کے قونصل جنرل اسٹیٹسن سینڈرز نے بھی پاک-امریکہ تعلقات کی تعریف کی اور مستقبل میں تعلیم، تجارت اور دیگر شعبوں میں تعاون کے عزم کا اظہار کیا۔
