اسلام آباد: (رائیٹ ناؤ نیوز) سابق وزیراعظم آزاد کشمیر سردار تنویر الیاس نے کشمیری قوم کی مشکلات پر تشویش کا اظہار کیا ہے۔ انہوں نے کہا کہ کشمیری قوم کو اتنا مجبور کیا گیا کہ انہوں نے راستے بند کرلیے ہیں۔

انہوں نے میڈیا سے گفتگو کرتے ہوئے کہا کہ وہ استحکام پاکستان پارٹی میں شامل ہوچکے ہیں۔ انہوں نے بتایا کہ ماضی میں پیپلز پارٹی کا حصہ رہ چکے ہیں اور فلور کراسنگ کی روایت پرانی ہے۔

سردار تنویر نے کہا کہ کشمیری عوام 9 لاکھ فورسز کے گھیرے میں ہیں اور پاکستانی ہونے پر فخر کرتے ہیں۔ انہوں نے مزید کہا کہ کشمیری قوم کو مجبور کیا گیا کہ وہ راستے بند کردیں۔

آزاد کشمیر کے لوگوں کی مشکلات بڑھ گئی ہیں اور وہ نظام سے تنگ ہیں۔ سردار تنویر نے وعدہ کیا کہ عوام کے مسائل حل کیے جائیں گے اور خوشحالی لائی جائے گی۔

واضح رہے کہ آزاد کشمیر میں سیاسی بحران جاری ہے اور عوام شاہراہوں پر دھرنے دے رہے ہیں۔ سردار تنویر کا کہنا ہے کہ وہ سیاسی استحکام کے لیے علیم خان کے ساتھ کام کریں گے۔