دلجیت دوسانجھ نے اپنی ابتدائی جدوجہد کا ذکر کرتے ہوئے کہا کہ وہ چھوٹی تقریبات میں کم پیسوں پر بھی پرفارم کرتے تھے، جس سے ان کی آمدنی میں اضافہ ہوا۔
ممبئی: (رائیٹ ناؤ نیوز) بھارتی گلوکار دلجیت دوسانجھ نے اپنی ابتدائی جدوجہد کے بارے میں انکشاف کیا ہے۔ وہ سالگرہ و شادی کی تقریبات میں تھوڑی رقم پر پرفارم کرکے پیسے کماتے تھے۔
دلجیت دوسانجھ نے بھارتی میڈیا کو بتایا کہ انہوں نے کبھی بھی کم پیسوں پر پرفارم کرنے سے انکار نہیں کیا۔ وہ 5 ہزار، 10 ہزار یا 15 ہزار روپے کی پیشکش پر فوراً ہاں کر دیتے تھے۔
دلجیت نے کہا کہ ان کے خاندان کی مالی مشکلات نے انہیں انتھک محنت کرنے کی ترغیب دی۔ ان کا کہنا تھا کہ بیمار ہونے پر ڈاکٹر کے پاس جانے کے لیے بھی پیسے نہیں ہوتے تھے۔
دلجیت دوسانجھ کا کہنا تھا کہ ان کا خواب ہمیشہ امیر اور مشہور بننے کا تھا، اور لائیو پرفارمنسز ان کی آمدنی کا سب سے بڑا ذریعہ بن گئیں۔
واضح رہے کہ دلجیت دوسانجھ کا پہلا البم عشق دا اڈا 2002 میں ریلیز ہوا، جس کے بعد ان کی مقبولیت میں اضافہ ہوا۔
