واشنگٹن: (رائیٹ ناؤ نیوز) امریکی صدر ڈونلڈ ٹرمپ نے اعلان کیا ہے کہ ایران کے خلاف طے شدہ حملے روک دیے گئے ہیں۔ انہوں نے کہا کہ اسلامی جمہوریہ ایران کے ساتھ بات چیت اعلیٰ سطح پر پہنچ چکی ہے اور اس کی منظوری دی جا چکی ہے۔

صدر ٹرمپ نے سوشل میڈیا پلیٹ فارم ٹروتھ سوشل پر جاری بیان میں بتایا کہ معاہدے کے نکات پر امریکا، اسرائیل، سعودی عرب سمیت دیگر ممالک متفق ہو چکے ہیں۔ انہوں نے کہا کہ حملے روکنے کا فیصلہ اسی بنیاد پر کیا گیا ہے۔

حالیہ صورتحال میں امریکی صدر نے واضح کیا ہے کہ معاہدے پر دستخط تک بحری ناکہ بندی برقرار رہے گی۔ دستخط کے وقت اور مقام کا اعلان جلد کیا جائے گا۔

یہ پیش رفت خطے میں استحکام کے لئے اہم سمجھی جا رہی ہے کیونکہ اس کے ذریعے توانائی کی منڈیوں پر کنٹرول حاصل کیا جا سکے گا۔

یاد رہے کہ اس سے قبل ٹرمپ نے ایران پر سخت حملوں کا عندیہ دیا تھا اور ایران کی نیوی اور دفاعی نظام کے خاتمے کا دعویٰ کیا تھا۔