واشنگٹن: (رائیٹ ناؤنیوز) امریکی صدر ڈونلڈ ٹرمپ نے ایران کو خبردار کیا ہے کہ مذاکرات میں تاخیر کی قیمت چکانی ہوگی۔ انہوں نے کہا کہ ایران نے بات چیت میں دیر کر دی ہے، جس کا خمیازہ بھگتنا ہوگا۔

ٹرمپ نے اپنے سوشل میڈیا پلیٹ فارم ٹروتھ سوشل پر کہا کہ ایران کی فوجی طاقت کو شدید نقصان پہنچا ہے۔ ان کے بقول، ایرانی بحریہ اور فضائیہ کے اہم حصے تباہ ہو چکے ہیں۔

امریکی صدر کا مزید کہنا تھا کہ ایران صرف بیانات دیتا ہے اور عمل نہیں کرتا۔ انہوں نے ایران کو مشرق وسطیٰ کا ‘غنڈہ’ قرار دیتے ہوئے کہا کہ یہ اب ختم ہو چکا ہے۔

ٹرمپ نے کہا کہ ایران نے ایک اہم معاہدے پر مذاکرات میں غیر معمولی تاخیر کی جو اس کے لیے فائدہ مند ہوتا۔ انہوں نے مزید کہا کہ اب ایران کو اس تاخیر کی قیمت چکانی ہوگی۔

یاد رہے کہ امریکہ اور ایران کے درمیان طویل عرصے سے کشیدگی جاری ہے، جس کا آغاز جوہری معاہدے کی منسوخی سے ہوا تھا۔