تہران: (رائیٹ ناؤ نیوز) وفاقی وزیر داخلہ محسن نقوی نے ایرانی وزیر خارجہ عباس عراقچی سے ملاقات کی۔ اس ملاقات میں خطے کی موجودہ صورتحال پر تفصیلی تبادلہ خیال کیا گیا ہے۔

پاکستان نے خطے میں امن کے لیے سفارتی کوششوں کو بڑھا دیا ہے۔ وزیر داخلہ محسن نقوی غیر اعلانیہ دورے پر تہران پہنچے اور ایران کے صدر مسعود پزشکیان سمیت اعلیٰ حکام سے ملاقاتیں کیں۔

یہ وزیر داخلہ کا ایک ہفتے کے اندر تہران کا دوسرا دورہ ہے۔ 28 فروری کو ایران پر حملوں کے بعد پاکستان نے ثالثی کا کردار ادا کیا تھا۔

پاکستان نے امریکہ اور ایران کے درمیان براہ راست مذاکرات کا بھی اہتمام کیا تھا جو معاہدے کے بغیر ختم ہو گئے تھے۔ تاہم، پاکستان مستقل امن کے لیے اپنی کوششیں جاری رکھے ہوئے ہے۔

یاد رہے کہ امریکی صدر ڈونلڈ ٹرمپ نے کہا ہے کہ اگر مذاکرات ناکام ہوئے تو کارروائی کے لیے تیار ہیں۔ ایرانی وزارت خارجہ نے منجمد اثاثوں کی بحالی کا مطالبہ دہرایا۔