اسلام آباد: (رائیٹ ناؤ نیوز) چیئرمین پاکستان تحریک انصاف بیرسٹر گوہر نے حکومت سے 28ویں ترمیم پر مؤقف واضح کرنے کا مطالبہ کیا ہے۔

بیرسٹر گوہر نے میڈیا سے گفتگو کرتے ہوئے کہا کہ اسمبلی مزید کسی ترمیم کی متحمل نہیں ہو سکتی۔ انہوں نے کہا کہ حکومت کسی بھی ترمیم کے لیے تمام سیاسی جماعتوں کو اعتماد میں لے۔

انہوں نے سوال اٹھایا کہ کیا 18 ویں ترمیم واپس لی جا رہی ہے؟ اور کیا وفاق سے صوبوں کو منتقل اختیارات دوبارہ وفاق کو دیے جا رہے ہیں؟

بیرسٹر گوہر نے کہا کہ پی ٹی آئی کے سامنے ابھی تک کوئی ڈرافٹ نہیں رکھا گیا ہے۔ انہوں نے کہا کہ بجٹ میں عوام کو ریلیف دیا جائے اور مہنگائی کم کی جائے۔

واضح رہے کہ 18 ویں ترمیم کے تحت صوبوں کو اختیارات دیے گئے تھے۔ بیرسٹر گوہر کے مطابق حکومت کی جانب سے نئے اقدامات پر وضاحت ضروری ہے۔