اسلام آباد: (رائیٹ ناؤ نیوز) وفاقی حکومت نے پیٹرولیم مصنوعات کی قیمتوں میں اضافہ کر دیا ہے۔ وزارت توانائی کے پیٹرولیم ڈویژن نے نئی قیمتوں کا نوٹیفکیشن جاری کیا ہے۔

نوٹیفکیشن کے مطابق پیٹرول کی قیمت میں 14 روپے 92 پیسے فی لیٹر اضافہ کیا گیا ہے۔ اب پیٹرول کی نئی قیمت 414 روپے 78 پیسے فی لیٹر ہوگی۔

ہائی اسپیڈ ڈیزل کی قیمت میں بھی 15 روپے فی لیٹر اضافہ ہوا ہے۔ ڈیزل کی نئی قیمت 414 روپے 58 پیسے فی لیٹر مقرر کی گئی ہے۔

نئی قیمتوں کا اطلاق 9 مئی 2026 سے ہوگا۔ حکومت نے اگلے ہفتے کے لیے ایکس ڈپو قیمتوں میں نظرثانی کی ہے۔

واضح رہے کہ پیٹرولیم مصنوعات کی قیمتوں میں اضافہ مہنگائی کے دباؤ کو بڑھا سکتا ہے۔ ٹرانسپورٹ کرایوں اور اشیائے ضروریہ کی قیمتوں پر بھی اثر پڑنے کا امکان ہے۔