واشنگٹن: (رائیٹ ناوٴ نیوز) امریکا نے ایران جنگ میں تعاون نہ کرنے پر سپین کے ساتھ فوجی معاہدے معطل کرنے کا ارادہ ظاہر کیا ہے۔ امریکی عہدیدار نے بتایا کہ پینٹاگون اس بارے میں غور کر رہا ہے۔

میڈیا رپورٹس کے مطابق، ایک امریکی عہدیدار نے غیرملکی خبر ایجنسی کو بتایا کہ اندرونی ای میل میں نیٹو اتحادیوں کو سزا دینے کے آپشنز پر بات کی گئی ہے۔ ان آپشنز میں سپین سے فوجی معاہدے معطل کرنے کا ذکر بھی شامل ہے۔

عہدیدار نے مزید کہا کہ نیٹو کے ایران جنگ میں عدم حمایت کی وجہ سے سزا کے مختلف اختیارات زیر غور ہیں۔ ای میل میں سپین کے ساتھ امریکی فوجی معاہدے کو معطل کرنے پر بھی غور کیا گیا ہے۔

ای میل کی وضاحت کرتے ہوئے عہدیدار نے کہا کہ نیٹو مخالف پالیسی کے اختیارات کو ایک نوٹ میں تفصیل سے بیان کیا گیا ہے۔ اس میں کچھ اتحادیوں کی جانب سے امریکا کو ایران جنگ کے لیے رسائی نہ دینا شامل ہے۔

واضح رہے کہ ہسپانوی وزیر اعظم پیڈرو نے ان رپورٹس پر کہا کہ ہم ای میلز پر نہیں، سرکاری دستاویزات پر کام کرتے ہیں۔