انقرہ: (رائیٹ ناوٴ نیوز) ترک صدر طیب اردوان نے خبردار کیا ہے کہ ایران پر امریکا اور اسرائیل کی جانب سے مسلط کردہ جنگ کے اثرات یورپ کو کمزور کر رہے ہیں۔ یہ بات انہوں نے جرمن صدر فرینک والٹر سے گفتگو میں کہی۔

ترک ایوانِ صدر کے مطابق مشرقِ وسطیٰ کی کشیدگی یورپی معیشت اور سیکیورٹی کے لیے خطرہ بنتی جا رہی ہے۔ اردوان نے کہا کہ اگر سفارتی اور پرامن راستہ اختیار نہ کیا گیا تو نتائج زیادہ تباہ کن ہوں گے۔

صدر اردوان نے عالمی برادری پر زور دیا کہ وہ فوری جنگ بندی کو مستقل بنانے اور مذاکرات کی بحالی کے لیے کردار ادا کرے۔

یہ بیان ایسے وقت میں آیا جب ایران نے جنگ بندی کے دوسرے دور میں شرکت سے انکار کر دیا تھا۔ امریکی صدر نے جنگ بندی میں توسیع کا اعلان کیا۔

یاد رہے کہ صدر ٹرمپ کا کہنا تھا کہ یہ توسیع اُس وقت تک برقرار رہے گی جب تک ایران کی عسکری اور سیاسی قیادت کے درمیان ہم آہنگی نہ ہو جائے۔