ایران نے اسلام آباد میں وفد کی آمد کی خبروں کو غلط قرار دیا، امریکی حکام سے مذاکرات معطل ہیں۔
تہران: (رائیٹ ناوٴ نیوز) ایران کی نیم سرکاری خبر ایجنسی مہر نیوز نے اسلام آباد میں ایرانی مذاکراتی وفد کی آمد سے متعلق خبروں کو غلط قرار دیا ہے۔ مہر نیوز کے مطابق ایک باخبر ذریعے نے امریکی حکام سے مذاکرات کے لیے ایرانی وفد کی پاکستان آمد کے دعوے کو بے بنیاد قرار دیا۔
رپورٹ کے مطابق بعض ذرائع ابلاغ پر دعویٰ کیا جا رہا تھا کہ ایرانی مذاکراتی ٹیم اسلام آباد پہنچ چکی ہے۔ تاہم باخبر ذریعے نے واضح کیا کہ ایسی کوئی پیش رفت نہیں ہوئی اور یہ خبر درست نہیں۔
🔴 Reports of Iranian Negotiating Team Entering Islamabad Are False: Fars News Agency
An informed source stated:
🔻 Claims by some media outlets that an Iranian negotiating delegation has arrived in Islamabad, Pakistan, to hold talks with U.S. officials are completely false.…
— Mehr News Agency (@MehrnewsCom) April 9, 2026
مہر نیوز کے مطابق ذریعے نے کہا کہ مذاکرات بدستور معطل ہیں۔ جب تک امریکہ لبنان میں جنگ بندی سے متعلق اپنی ذمہ داریاں پوری نہیں کرتا، بات چیت بحال نہیں ہو سکتی۔
رپورٹ میں مزید کہا گیا ہے کہ صہیونی حکومت کے حملے جاری رہنے کی صورت میں مذاکراتی عمل آگے نہیں بڑھ سکتا۔ تہران لبنان کی صورتحال کو موجودہ سفارتی تعطل سے جوڑ رہا ہے۔
واضح رہے کہ حالیہ دنوں میں امریکہ اور ایران کے ممکنہ رابطوں سے متعلق مختلف دعوے سامنے آتے رہے ہیں۔ ایرانی ذرائع پہلے بھی کہہ چکے ہیں کہ لبنان میں جنگ بندی اور حملوں کے خاتمے تک مذاکرات معطل رہیں گے۔
