اسلام آباد: (رائیٹ ناوٴ نیوز) وزیراعظم شہباز شریف اور فیلڈ مارشل عاصم منیر نے خطے میں کشیدگی کے خاتمے کے لیے ہونے والی ثالثی کی کوششوں پر اطمینان کا اظہار کیا۔ دونوں رہنماؤں نے فریقین کو تحمل کا مظاہرہ کرنے پر تعریف بھی کی۔

وزیراعظم آفس کے بیان کے مطابق، فیلڈ مارشل عاصم منیر نے وزیراعظم ہاؤس میں ملاقات کی جس میں خطے میں امن کوششوں پر اطمینان کا اظہار کیا گیا۔ انہوں نے ثالثی کی کوششوں کی پیش رفت کا جائزہ لیا۔

ملاقات کے دوران، پائیدار امن کے قیام کے لیے پاکستان کی ثالثی کی کوششوں کی تفصیلات پر غور کیا گیا۔ دونوں رہنماؤں نے خطے میں کشیدگی میں کمی پر اطمینان کا اظہار کیا۔

وزیراعظم اور فیلڈ مارشل نے تمام فریقین پر زور دیا کہ جنگ بندی اور امن کو برقرار رکھیں۔ انہوں نے تحمل کے مظاہرے کو سراہا اور پرامن مذاکرات کی اہمیت پر زور دیا۔

یاد رہے کہ پاکستان، فریقین کے درمیان پرامن حل کے لیے ہر ممکن سہولت فراہم کر رہا ہے۔ وزیراعظم نے عمل میں شامل فریقین کے عزم کو سراہا اور نیک خواہشات کا اظہار کیا۔