وزیراعظم شہباز شریف نے امریکا اور ایران کے مذاکرات کی میزبانی کی پیشکش کی ہے تاکہ مشرق وسطیٰ میں جاری جنگ کا خاتمہ کیا جا سکے۔
اسلام آباد: (رائیٹ ناوٴ نیوز) وزیراعظم شہباز شریف نے کہا ہے کہ پاکستان مشرق وسطیٰ میں جاری جنگ کے خاتمے کے لیے امریکا اور ایران کے درمیان مذاکرات کی میزبانی کرنے کے لیے تیار ہے۔ انہوں نے کہا کہ اگر دونوں ممالک متفق ہوں تو اسلام آباد بامعنی مذاکرات کے انعقاد میں سہولت فراہم کرنے پر خود کو اعزاز یافتہ سمجھے گا۔
Pakistan welcomes and fully supports ongoing efforts to pursue dialogue to end the WAR in Middle East, in the interest of peace and stability in region and beyond. Subject to concurrence by the US and Iran, Pakistan stands ready and honoured to be the host to facilitate…
— Shehbaz Sharif (@CMShehbaz) March 24, 2026
شہباز شریف نے زور دیا کہ موجودہ تنازع کے پائیدار حل کے لیے جامع مذاکرات ضروری ہیں اور پاکستان اس عمل میں مثبت کردار ادا کرنے کے لیے تیار ہے۔ انہوں نے کہا کہ سفارتکاری ہی خطے میں کشیدگی کم کرنے کا موثر راستہ ہے۔
یہ بیان اس وقت سامنے آیا ہے جب مشرق وسطیٰ میں ایران، اسرائیل اور امریکا کے درمیان کشیدگی میں اضافہ ہو رہا ہے اور خطے میں جنگ تیسرے ہفتے میں داخل ہو چکی ہے۔ حالیہ دنوں میں مختلف ممالک کی جانب سے جنگ بندی کی کوششیں تیز ہو گئی ہیں، جبکہ پاکستان نے بھی خود کو ممکنہ ثالث کے طور پر پیش کیا ہے۔
