مونٹریال: (رائیٹ ناوٴ نیوز) کنکورڈیا یونیورسٹی کی تحقیق کے مطابق پلک جھپکنے کا عمل دماغی افعال سے گہرا تعلق رکھتا ہے۔ تحقیق میں بتایا گیا کہ جب دماغ زیادہ متحرک ہوتا ہے، تو پلک جھپکنے کی شرح کم ہو جاتی ہے۔

تحقیق کے دوران 50 افراد کو مختلف شور والے ماحول میں رکھا گیا اور ان کی پلک جھپکنے کی شرح کا مشاہدہ کیا گیا۔ محققین نے پایا کہ شور والے ماحول میں جب کوئی فرد کسی کی بات سننے کی کوشش کرتا ہے تو پلک جھپکنے کی شرح کم ہو جاتی ہے۔

روشنی کے مختلف حالات میں تحقیق سے ظاہر ہوا کہ پلک جھپکنے کے عمل پر روشنی کی شدت کا کوئی اثر نہیں ہوتا۔ محققین کا کہنا ہے کہ یہ نتائج دماغی افعال اور پلک جھپکنے کے تعلق کو ظاہر کرتے ہیں، تاہم مزید تحقیق کی ضرورت ہے۔