شہدادکوٹ: (رائیٹ ناؤ نیوز) وزیراعلیٰ خیبرپختونخوا سہیل آفریدی نے کہا ہے کہ ظلم و جبر کے باوجود عمران خان اور پی ٹی آئی کارکن استقامت کے ساتھ کھڑے ہیں۔ انہوں نے کہا کہ بانی پی ٹی آئی عدالتوں اور عوام کی طرف دیکھ رہے ہیں۔

ریلی سے خطاب کرتے ہوئے سہیل آفریدی نے کہا کہ اندرون سندھ میں صرف ایک ہی جماعت نظر آتی ہے، جو پاکستان تحریک انصاف ہے۔ انہوں نے کہا کہ حقیقت میں یہاں پی ٹی آئی ہی متحرک ہے۔

سہیل آفریدی نے کہا کہ عدالتی حکم کے باوجود عمران خان کا شفا ہسپتال سے مناسب علاج نہیں ہو رہا، عوام عدالتوں سے انصاف کی توقع رکھیں۔ انہوں نے عوام کو یقین دلایا کہ بانی پی ٹی آئی ان عدالتوں اور عوام پر بھروسہ کر رہے ہیں۔

انہوں نے کارکنوں سے سوال کیا کہ کیا وہ 27 ستمبر کو نکلنے کے لیے تیار ہیں یا نہیں؟ سہیل آفریدی نے کارکنوں کو متحرک رہنے کی ترغیب دی۔

یاد رہے کہ پی ٹی آئی میں مڈل کلاس سے بھی وزیراعلیٰ بن سکتا ہے، جبکہ دیگر جماعتوں میں عموماً عہدے وراثتی بنیادوں پر منتقل ہوتے ہیں۔