اسلام آباد: (رائیٹ ناؤ نیوز) وزیراعظم شہباز شریف نے اقوام متحدہ کے سیکرٹری جنرل کے امیدوار سفیر اولارا اوتونو سے ملاقات کی۔ یوگنڈا کے سابق وزیراعظم روہاکانا روگونڈا بھی ان کے ہمراہ تھے۔

اس ملاقات میں نائب وزیراعظم اسحاق ڈار، معاون خصوصی طارق فاطمی اور سیکرٹری خارجہ آمنہ بلوچ بھی شامل تھے۔ وزیراعظم نے اقوام متحدہ کے منشور کی اہمیت پر زور دیا۔

وزیراعظم نے کہا کہ پاکستان عالمی قوانین اور معاہدوں کے احترام کو یقینی بنائے گا۔ انہوں نے کہا کہ عالمی چیلنجز سے نمٹنے کیلئے اقوام متحدہ کو مضبوط بنانا ضروری ہے۔

وزیراعظم نے اقوام متحدہ کے مؤثر کردار کی حمایت جاری رکھنے کا عزم کیا۔ انہوں نے کہا کہ اقوام متحدہ کے پلیٹ فارم کو مضبوط بنانا وقت کی ضرورت ہے۔

یاد رہے کہ سفیر اولارا اوتونو نے پاکستان کی عالمی خدمات کی تعریف کی ہے۔ انہوں نے بین الاقوامی امن و سلامتی میں پاکستان کے کردار کو بھی سراہا۔