اسلام آباد: (رائیٹ ناؤ نیوز) پاکستان کے خارجہ سیکرٹری کی تعیناتی سے متعلق وزیراعظم ہاؤس میں اہم فیصلے کا عمل شروع ہو گیا ہے۔

موجودہ سیکرٹری خارجہ آمنہ بلوچ 18 ستمبر کو 60 سال کی عمر مکمل کرنے کے بعد ریٹائر ہوں گی، ان کی مدت ملازمت میں توسیع کے امکانات کم ہیں۔ وزیراعظم شہباز شریف کو 18 ستمبر تک وزارت خارجہ کے گریڈ 22 کے سینئر ترین سفارتکاروں میں سے کسی ایک کا انتخاب کرنا ہوگا۔

رحیم حیات قریشی، عاصم افتخار، رضوان سعید شیخ اور فیصل نیاز ترمذی سمیت سینئر سفارتکاروں کے نام زیر غور ہیں۔ واضح رہے کہ خارجہ سیکرٹری کا انتخاب ملکی خارجہ پالیسی پر براہ راست اثر انداز ہوتا ہے۔