رانچی: (رائیٹ ناؤنیوز) بھارت کے چار بار کے عالمی گولڈ میڈلسٹ امر دیپ کمار مالی مسائل کی وجہ سے ٹیکسی چلانے اور سبزیاں فروخت کرنے پر مجبور ہیں۔ ان کے مطابق حکومتی امداد یا سرکاری ملازمت کے لیے بارہا درخواستوں کے باوجود کوئی مثبت جواب نہیں ملا۔

جھارکھنڈ کے 29 سالہ امر دیپ نے 13 سال کی عمر میں کھیل کا آغاز کیا اور تھرو بال میں عالمی سطح پر نمایاں مقام حاصل کیا۔ انہوں نے 2015 میں ملائیشیا میں پہلا عالمی گولڈ میڈل جیتا اور دیگر کامیابیاں بھی حاصل کیں۔

امر دیپ نے مالی امداد کی عدم دستیابی کے باعث ٹورنامنٹس میں شرکت کے لیے قرض لیا، جسے وہ اب ٹیکسی چلا کر اور سبزیاں فروخت کرکے واپس کر رہے ہیں۔ حالیہ دنوں میں بھی ان کی مالی حالت بہتر نہیں ہوئی۔

ان کی کہانی اس بات کی اہمیت کو اجاگر کرتی ہے کہ کس طرح کامیاب کھلاڑیوں کو حکومتی سطح پر نظرانداز کیا جاتا ہے۔ دیگر ریاستوں کے کھلاڑیوں کو ملازمتیں ملیں، مگر امر دیپ کی درخواستیں زیر التوا ہیں۔

یاد رہے کہ امر دیپ نے 2017 میں کھٹمنڈو، 2019 میں بنگلورو اور 2026 میں رانچی میں ساؤتھ ایشین چیمپئن شپ میں طلائی تمغے جیتے تھے۔