اسلام آباد: (رائیٹ ناؤ نیوز) نیشنل الیکٹرک پاور ریگولیٹری اتھارٹی (نیپرا) نے بجلی کی تقسیم کار کمپنیوں پر نئے کارکردگی قوانین نافذ کر دیے ہیں۔ ان قوانین کے تحت کمپنیوں کی کارکردگی کے معیار میں اضافہ کیا گیا ہے۔

پاکستان میں بجلی کی تقسیم کے شعبے میں بڑی ضابطہ جاتی تبدیلیاں متوقع ہیں۔ نیپرا نے دو دہائی پرانے فریم ورک کو چھوڑ کر ایک جامع نظام متعارف کرانے کا فیصلہ کیا ہے۔

نئے نظام کے تحت کمپنیوں کو بجلی کی فراہمی، صارفین کی خدمت اور جدید ٹیکنالوجی کے حوالے سے جواب دہ بنایا جائے گا۔ کمپنیوں کو سرمایہ کاری اور تحفظ میں بھی توجہ دینی ہوگی۔

نئے نیپرا پرفارمنس اسٹینڈرڈز (ڈسٹری بیوشن) ریگولیشنز، 2026 نے پرانے پرفارمنس اسٹینڈرڈز (ڈسٹری بیوشن) رولز، 2005 کی جگہ لے لی ہے۔ ان ضوابط نے بنیادی فریم ورک کو تبدیل کر دیا ہے۔

یاد رہے کہ نیپرا کی جانب سے ان ضوابط کے نفاذ کا مقصد بجلی کی تقسیم کار کمپنیوں کی کارکردگی کو بہتر بنانا ہے تاکہ صارفین کو بہتر خدمات فراہم کی جا سکیں۔