اسلام آباد: (رائیٹ ناؤ نیوز) وزیراعظم شہباز شریف نے رضیہ نورین کو ستارہ خدمت کی منظوری دی ہے۔ نرس رضیہ نورین نے اپنی جان کی پرواہ کیے بغیر پمز ہسپتال میں آتشزدگی کے دوران ایک بچے کو بچایا۔

وزیراعظم نے رضیہ نورین کو ایک کروڑ روپے انعام دینے کا اعلان کیا ہے۔ پمز ہسپتال کی عبوری رپورٹ وزیراعظم کو پیش کی گئی تھی جس میں رضیہ کی بہادری کا ذکر تھا۔

وزیراعظم شہباز شریف نے رضیہ نورین کی فرض شناسی اور بہادری کو سراہا ہے۔ انہوں نے کہا کہ رضیہ نے اپنی جان خطرے میں ڈال کر مثال قائم کی ہے۔

یہ واقعہ قوم کے لئے فخر کا باعث ہے اور ایسے فرض شناس لوگوں کی ستائش کی جانی چاہیے۔ رضیہ نورین کی بہادری نے پوری قوم کا سر فخر سے بلند کر دیا ہے۔

واضح رہے کہ پمز ہسپتال میں حالیہ آتشزدگی کے دوران رضیہ نورین نے اپنی جان کی پرواہ کیے بغیر بچے کی جان بچائی تھی۔