بیجنگ: (رائیٹ ناؤ نیوز) چین کے ویڈیو شیئرنگ پلیٹ فارم بلی بلی نے اپنی عالمی موجودگی میں اضافہ کرنے کی کوششوں کو تیز کر دیا ہے۔ یہ پلیٹ فارم، یوٹیوب کے متبادل کے طور پر پہچانا جاتا ہے، اور کانٹینٹ کریئیٹرز کے لیے کمائی کے نئے مواقع فراہم کر رہا ہے۔

رپورٹس کے مطابق، بلی بلی تخلیق کاروں کو ہر ہزار ویوز پر تقریباً 0.70 امریکی ڈالر ادا کرنے کی پیشکش کر رہا ہے۔ تاہم، اس رقم کی باضابطہ تصدیق ابھی باقی ہے، اس لیے اسے حتمی معاوضہ نہیں سمجھا جا سکتا۔

بلی بلی نے بین الاقوامی ورژن میں کئی تبدیلیاں کی ہیں تاکہ غیر ملکی صارفین کے لیے پلیٹ فارم استعمال کرنا آسان ہو سکے۔ رجسٹریشن کو آسان بنایا گیا ہے اور لازمی شناختی تصدیق کی شرط ختم کر دی گئی ہے۔

بلی بلی کی عالمی توسیع نے سوشل میڈیا پر بھی توجہ حاصل کی ہے۔ ہسپانوی زبان میں ایک دعویٰ کیا گیا کہ بلی بلی تخلیق کاروں کو یوٹیوب سے بہتر معاوضہ فراہم کر رہا ہے۔

واضح رہے کہ بلی بلی نے 2009 میں کام شروع کیا تھا، اور چین میں نوجوان صارفین کے درمیان مقبولیت حاصل کی۔ کمپنی کے ماہانہ فعال صارفین کی تعداد 350 ملین سے تجاوز کر چکی ہے۔