چین نے نیپال کے قریب جھیل کے بند ٹوٹنے کا خدشہ ظاہر کیا ہے، جس سے بڑے سیلاب کا خطرہ ہے۔ نیپال میں پہلے ہی 359 افراد ہلاک اور 1300 سے زائد لاپتا ہیں۔
نیپال: (رائیٹ ناؤنیوز) چین نے نیپال کی سرحد کے قریب ایک بڑی جھیل کے پھٹنے کا خدشہ ظاہر کیا ہے۔ جھیل میں 20 لاکھ مکعب میٹر پانی جمع ہوچکا ہے اور مزید 30 لاکھ مکعب میٹر پانی کے داخل ہونے کا امکان ہے۔
چینی حکام نے کہا ہے کہ وہ جھیل کی مسلسل نگرانی کر رہے ہیں اور ممکنہ سیلاب کے خطرے سے نمٹنے کے لیے تیار ہیں۔ نیپال میں اچانک سیلاب اور لینڈ سلائیڈنگ نے پہلے ہی بڑی تباہی مچائی ہے۔
چینی سرکاری میڈیا کے مطابق تبت میں 3 افراد ہلاک اور 558 لاپتا ہیں، جن میں 260 غیر ملکی شامل ہیں۔ نیپال میں امدادی کارروائیاں دشوار ہو رہی ہیں۔
یاد رہے کہ نیپال میں اس وقت تک 359 افراد ہلاک اور 1300 سے زائد لاپتا ہیں، جن میں غیر ملکی سیاح بھی شامل ہیں۔ زیادہ تر متاثرہ افراد بھارتی شہری ہیں جو مقدس مقام کیلاش کی یاترا کے لیے پہنچے تھے۔
واضح رہے کہ نیپال میں پہاڑی راستوں، بارش اور مزید سیلاب کے خدشے کے باعث امدادی کارروائیاں متاثر ہو رہی ہیں، جس سے جانی و مالی نقصان بڑھنے کا خطرہ ہے۔
