تہران: (رائیٹ ناؤ نیوز) ایران کی پارلیمنٹ کے اسپیکر محمد باقر قالیباف نے امریکا کے ساتھ مذاکرات کو قومی مفادات کے تحفظ کے طور پر پیش کیا ہے۔ انہوں نے واضح کیا کہ یہ مذاکرات پسپائی کی علامت نہیں بلکہ مزاحمت کا حصہ ہیں۔

ایرانی سرکاری خبر رساں ایجنسی ارنا کے مطابق، باقر قالیباف نے اپنے کھلے خط میں ایرانی روزنامہ کیہان کی تنقید کا جواب دیا۔ انہوں نے کہا کہ دانشمندانہ اقدامات اور بااختیار مذاکرات کو سمجھوتہ نہیں سمجھا جانا چاہیے۔

باقر قالیباف نے کہا کہ قومی حقوق کے حصول کی کوشش کو بے عملی نہیں کہنا چاہیے۔ ملک کی طاقت کے ذرائع کے تحفظ کی ذمہ داری اٹھانا ضروری ہے۔

انہوں نے مزید کہا کہ جنگ کی کامیابیوں کو مستحکم کرنا اور دشمن کی تباہ کاریوں سے ملک کو محفوظ رکھنا ہماری ذمہ داری ہے۔

یاد رہے کہ ایرانی پارلیمانی اسپیکر نے امریکا سے مذاکرات کی اہمیت پر زور دیتے ہوئے کہا کہ مذاکراتی ٹیم کی کامیابی کو غداری قرار دینا درست نہیں۔