لندن: (رائیٹ ناؤ نیوز) انگلینڈ کے خلاف لارڈز ٹیسٹ کے لئے پاکستان کرکٹ ٹیم میں تبدیلیوں کا امکان ہے۔ ذرائع کے مطابق یہ ٹیسٹ 27 اگست سے لارڈز میں شروع ہوگا، اور کنڈیشنز کی بنیاد پر پلیئنگ الیون کا فیصلہ کیا جائے گا۔

لیڈز ٹیسٹ میں شکست کے بعد ٹیم مینجمنٹ پلیئنگ الیون میں تبدیلیوں پر غور کر رہی ہے۔ ذرائع نے بتایا ہے کہ وکٹ کیپر بیٹر محمد رضوان کو آرام دیا جا سکتا ہے۔

قائم مقام کپتان نے کہا ہے کہ ہمارا بولنگ اٹیک کم تجربہ کار ہے۔ مینجمنٹ بابر اعظم کی واپسی کے لئے پرامید ہے جو انگلی کی انجری کے باعث پہلے ٹیسٹ میں شامل نہیں ہو سکے تھے۔

بابر اعظم کی واپسی کی صورت میں اذان اویس کو ڈراپ کیا جا سکتا ہے۔ لندن کی خشک کنڈیشنز کی وجہ سے پاکستان ٹیم دو اسپنرز کے ساتھ میدان میں اتر سکتی ہے۔

واضح رہے کہ لندن کی کنڈیشنز نسبتاً خشک ہیں اور فلیٹ پچ کی توقع کی جا رہی ہے۔ فاسٹ بولر عبید شاہ کو بھی ترجیح دیے جانے کا امکان ہے۔