اسلام آباد: (رائیٹ ناؤ نیوز) وفاقی حکومت نے عمران خان کو شفا انٹرنیشنل اسپتال منتقل کرنے کے عدالتی حکم کے خلاف نظرثانی درخواست دائر کی ہے۔ حکومت نے سپریم کورٹ کے عبوری حکم کو قانونی اختیار سے تجاوز قرار دیا ہے۔

درخواست میں کہا گیا ہے کہ پاکستان پریزن رولز 1978 کے تحت قیدی کو سرکاری اسپتال منتقل کیا جاسکتا ہے، نجی اسپتال کا تصور موجود نہیں۔ حکومت کے مطابق قیدی کو نجی ڈاکٹر سے علاج کا حق نہیں ہے۔

حکومت نے ریویو پٹیشن میں عدالتی دائرہ اختیار پر سوالات اٹھائے ہیں۔ حکومت کا کہنا ہے کہ یہ معاملہ طبی سہولیات کے بجائے قانونی و آئینی دائرہ اختیار کا ہے۔

حکومت نے کہا ہے کہ عمران خان کی اپیل پہلی بار سماعت کے لیے مقرر ہوئی تھی، بغیر نوٹس عبوری حکم جاری ہوا۔ حکومت کے مطابق میڈیکل بورڈ کی رپورٹ میں صحت بگڑنے کا تاثر نہیں تھا۔

واضح رہے کہ حکومت نے سپریم کورٹ سے 18 اگست کے حکم پر نظرثانی کی استدعا کی ہے۔ نجی اسپتال کی سہولت دیگر قیدیوں کے لیے مثال بنے گی، حکومت نے اسے مساوی سلوک کے اصول کے خلاف قرار دیا ہے۔