اسلام آباد: (رائیٹ ناؤ نیوز) پاکستان میں سونے کی قیمت میں مسلسل تیسرے دن بھی اضافہ دیکھا گیا۔ آل پاکستان صرافہ ایسوسی ایشن کے مطابق 24 قیراط فی تولہ سونا 5 ہزار 700 روپے مہنگا ہوا۔

دوسری جانب 10 گرام سونے کی قیمت میں 4 ہزار 972 روپے کا اضافہ ہوا ہے۔ اب 10 گرام سونا 4 لاکھ 14 ہزار 39 روپے کا ہوگیا ہے۔

عالمی مارکیٹ میں بھی سونے کی قیمت میں 57 ڈالر کا اضافہ ہوا، جس کے بعد فی اونس قیمت 4 ہزار 604 ڈالر ہوگئی۔

سونے کی بڑھتی قیمتوں نے عوام کو پریشان کر دیا ہے، خریداری میں کمی دیکھنے میں آ رہی ہے۔

واضح رہے کہ عالمی منڈی میں سونے کی قیمت میں اضافے کا اثر مقامی مارکیٹ پر بھی پڑتا ہے۔