بیونس آئرس: (رائیٹ ناؤ نیوز) ورلڈ کپ 2026 کے فائنل میں اسپین کے خلاف شکست کے بعد ارجنٹائن کے کھلاڑی لیاندرو پریڈیس 10 میچز کے لیے معطل کر دیے گئے۔ ان کے ساتھی نہوئل مولینا پر 7 میچز کی پابندی عائد کی گئی ہے۔

فیفا نے دونوں کھلاڑیوں پر نوے، نوے ہزار ڈالر جرمانہ بھی عائد کیا ہے۔ فائنل کے بعد پریڈیس نے اسپین کے گاوی کو دھکا دیا، جس سے صورتِ حال کشیدہ ہو گئی تھی۔

فیفا کے مطابق پریڈیس پر تین اور مولینا پر دو الزامات تھے۔ دیگر کھلاڑیوں اور ارجنٹائن کے اسسٹنٹ کوچ پر بھی پابندیاں لگائی گئی ہیں۔

یہ واقعہ ارجنٹائن کی ٹیم کے رویے اور شائقین کی جانب سے امتیازی نعرے بازی کے باعث اہمیت اختیار کر گیا ہے۔ ان خلاف ورزیوں پر ٹیم پر مجموعی طور پر 3 لاکھ 21 ہزار ڈالر جرمانہ بھی کیا گیا ہے۔

یاد رہے کہ انگلینڈ کے خلاف سیمی فائنل میں بھی ارجنٹائن کی ٹیم نے متنازع بینر دکھایا تھا، جسے فیفا نے ضابطہ اخلاق کی خلاف ورزی قرار دیا۔