اسلام آباد: (رائیٹ ناؤنیوز) وفاقی حکومت نے پیٹرول اور ہائی اسپیڈ ڈیزل کی قیمتوں میں اضافہ کردیا ہے۔ نئی قیمتوں کا اطلاق 22 اگست سے 24 اگست 2026 تک ہوگا۔

پیٹرول کی قیمت میں 3 روپے 81 پیسے فی لیٹر اضافہ کیا گیا ہے۔ پیٹرول کی نئی قیمت 337 روپے 78 پیسے سے بڑھ کر 341 روپے 59 پیسے ہوگئی ہے۔

ہائی اسپیڈ ڈیزل کی قیمت میں 3 روپے 59 پیسے فی لیٹر اضافہ ہوا ہے۔ ڈیزل کی نئی قیمت 364 روپے 70 پیسے سے بڑھ کر 368 روپے 29 پیسے ہوگئی ہے۔

پیٹرولیم مصنوعات کی قیمتوں کا تعین نئے نظرثانی شدہ قیمتوں کے طریقہ کار کے تحت کیا گیا ہے۔ آئل اینڈ گیس ریگولیٹری اتھارٹی نے اسی طریقہ کار کے مطابق نئی قیمتیں مقرر کی ہیں۔

واضح رہے کہ نئی قیمتیں صرف 22 سے 24 اگست تک نافذ رہیں گی۔ اس کے بعد پیٹرولیم مصنوعات کی قیمتوں کا دوبارہ تعین کیا جاسکتا ہے۔