کراچی: (رائیٹ ناؤ نیوز) پاکستان اور عالمی مارکیٹ میں مسلسل دوسرے روز سونے کی قیمت میں بڑا اضافہ دیکھا گیا ہے۔

آل پاکستان صرافہ جیولرز ایسوسی ایشن کے مطابق 24 کیرٹ فی تولہ سونا 5200 روپے مہنگا ہو کر 4 لاکھ 77 ہزار 136 روپے کا ہوگیا ہے۔ 10 گرام سونے کی قیمت میں 4458 روپے کا اضافہ ہوا ہے، جو اب 4 لاکھ 9 ہزار 67 روپے ہو چکی ہے۔

عالمی مارکیٹ میں فی اونس سونا 52 ڈالر بڑھ کر 4547 ڈالر تک پہنچ گیا ہے۔ مقامی مارکیٹ میں چاندی کی فی تولہ قیمت 219 روپے بڑھ کر 7379 روپے ہو گئی ہے۔

یہ اضافہ گزشتہ روز کے بعد بھی جاری رہا جب 24 کیرٹ فی تولہ سونے کی قیمت میں 13 ہزار 700 روپے اضافہ ہوا تھا۔

یاد رہے کہ عالمی اقتصادی تبدیلیوں کے باعث سونے کی قیمتوں میں مسلسل اضافہ ہو رہا ہے، جس کا اثر پاکستانی مارکیٹ پر بھی پڑ رہا ہے۔