اسلام آباد: (رائیٹ ناؤ نیوز) وزیر دفاع خواجہ آصف نے عمران خان کو نجی اسپتال منتقل کرنے کے فیصلے کی مخالفت کی ہے۔ انہوں نے کہا ہے کہ اگر یہ اجازت مل گئی تو کل کو ہر قیدی پرائیویٹ اسپتالوں میں علاج کا مطالبہ کرے گا۔

خواجہ آصف نے جیو نیوز سے بات کرتے ہوئے کہا کہ نواز شریف اور دیگر کو سرکاری اسپتالوں میں بھیجا گیا تھا۔ انہوں نے مزید کہا کہ ڈاکٹروں نے عمران خان کے آپریشن کے دوران پی ٹی آئی کے حامی ڈاکٹر کو ویڈیو بناتے ہوئے پکڑا تھا۔

وزیر دفاع نے کہا کہ اگر سپریم کورٹ کے فیصلے میں حکومت کا مؤقف رجسٹرڈ کروانے کی گنجائش ہے تو حکومت ضرور ایسا کرے گی۔ ان کے مطابق، عدالت کے فیصلے کے بعد حکومتی موقف پیش کیا جائے گا۔

انہوں نے مزید کہا کہ پی ٹی آئی کے دورِ حکومت میں ان کے ساتھ کی جانے والی حرکتوں کو یاد کرتے ہوئے سوال اٹھایا کہ کس طرح کی زبان استعمال کی جاتی تھی؟

واضح رہے کہ سابق وزیراعظم کی اسپتال منتقلی کے معاملے پر حکومت نے انتظامی امور کا جائزہ لیا ہے۔ عدالت میں پیش کی گئی رپورٹس کے بعد فیصلے پر عمل کیا جائے گا۔