برلن: (رائیٹ ناؤنیوز) سائنسدانوں نے وائی فائی کے ذریعے لوگوں کی شناخت کا نیا طریقہ دریافت کیا ہے۔ جرمنی کے انسٹیٹیوٹ آف انفارمیشن سکیورٹی نے اس تحقیق میں 197 افراد کو شامل کیا۔

تحقیق میں بتایا گیا ہے کہ وائی فائی نیٹ ورک کی مدد سے بغیر کیمرے یا سنسرز کے لوگوں کو پہچاننا ممکن ہے۔ اس تکنیک کے ذریعے تقریباً 100 فیصد درستگی سے شناخت کی گئی۔

سائنسدانوں کا کہنا ہے کہ یہ تکنیک ریڈیو سگنلز پر مبنی ہے جو ڈیوائسز سے راؤٹر کی طرف واپس جاتے ہیں۔ اس تجزیے کے ذریعے ان سگنلز سے لوگوں کی تصاویر تیار کی جاسکتی ہیں۔

یہ تحقیق ظاہر کرتی ہے کہ وائی فائی ڈیوائسز کا وسیع پیمانے پر استعمال پرائیویسی کے لئے خطرہ بن سکتا ہے۔ محققین نے زور دیا کہ یہ سسٹم بغیر کسی وائی فائی ڈیوائس کے بھی کام کرسکتا ہے۔

واضح رہے کہ وائی فائی کا استعمال دنیا بھر میں عام ہے، لیکن اس تحقیق نے اس کے نئے استعمالات کو اجاگر کیا ہے جو انسانی پرائیویسی کے لئے تشویش کا باعث ہیں۔