اسلام آباد: (رائیٹ ناؤ نیوز) وزیر دفاع خواجہ آصف نے پی ٹی آئی پر اپنے قائد کے لیے این آر او کی کوششوں کا الزام عائد کیا ہے۔ انہوں نے کہا کہ پی ٹی آئی کے بانی کو عدلیہ سے غیر معمولی ریلیف ملا ہے۔

اپنے بیان میں خواجہ آصف نے کہا کہ ماضی میں یہی شخص دوسرے سیاست دانوں کو جیلوں میں ڈالنے کے مطالبے کرتا تھا۔ آج وہی شخص جیل سے اسپتال منتقل ہونے کی درخواست کر رہا ہے۔

خواجہ آصف نے مزید کہا کہ سیاسی مخالفین کو جیل میں رکھنے کے مطالبات کیے جاتے تھے۔ اب وہی خود ساختہ مرد آہن طبی سہولیات کا طلبگار ہے۔

انہوں نے کہا کہ پی ٹی آئی کو عدالتی فیصلے پر خوش ہونے سے پہلے اپنے بیانیے کے تضادات کا جواب دینا چاہیے۔ بانی پی ٹی آئی کو طبی سہولت دینے پر کوئی اعتراض نہیں۔

واضح رہے کہ بانی پی ٹی آئی کی صحت یابی کے لیے خواجہ آصف نے دعا کی جبکہ حکومت نے سپریم کورٹ سے رجوع کرنے کا فیصلہ کیا ہے۔