اسلام آباد: (رائیٹ ناؤ نیوز) سینئر وزیر سندھ شرجیل انعام میمن نے عمران خان کی صحت کے لیے دعا کرتے ہوئے کہا کہ اللہ تعالیٰ انہیں صحت مند زندگی عطا فرمائے۔ انہوں نے کہا کہ بیماری کی حالت میں انسانیت کا دامن نہیں چھوڑنا چاہیے۔

سپریم کورٹ نے عمران خان کو اسلام آباد کے نجی اسپتال شفاء انٹرنیشنل منتقل کرنے کا حکم دیا ہے۔ شرجیل میمن نے کہا کہ عدالت کے بغیر بھی ہر شخص کو طبی سہولیات ملنی چاہئیں۔

شرجیل میمن نے صوبائی کابینہ اجلاس کے بعد میڈیا سے گفتگو میں کہا کہ عمران خان کی صحتیابی کے لیے دعا کرتے ہیں، کسی بھی بیمار شخص کے لیے ہماری دعائیں ہیں۔

انہوں نے کہا کہ سیاسی اختلافات اپنی جگہ، لیکن ہمیں شائستگی برقرار رکھنی چاہیے۔ ہر شخص کو بنیادی طبی سہولیات فراہم کی جانی چاہئیں۔

واضح رہے کہ شرجیل میمن نے سندھ میں گندم کی دستیابی اور کسانوں کو سبسڈی دینے کے حوالے سے بھی بریفنگ دی ہے، جس میں گندم کی ذخیرہ کاری اور قیمتوں کا ذکر کیا گیا۔