تہران: (رائیٹ ناؤ نیوز) ایران میں سالانہ مہنگائی کی شرح 66 فیصد تک پہنچ گئی ہے۔ یہ اعداد و شمار ایرانی شماریاتی مرکز سے جاری کیے گئے ہیں۔

ملک میں مہنگائی کی شدت کی وجہ سے کم از کم 8 بنیادی اشیاء کی قیمتیں دوگنا ہو چکی ہیں۔ خوراک اور مشروبات کی قیمتوں میں 128 فیصد اضافہ ہوا ہے۔

جولائی میں مہنگائی کی ماہانہ شرح 3.1 فیصد ریکارڈ کی گئی۔ اس سے ظاہر ہوتا ہے کہ ایرانی عوام کو زندگی کی بنیادی ضروریات کے حصول میں مزید مشکلات کا سامنا ہے۔

عرب میڈیا کے مطابق ایران کی معیشت بین الاقوامی پابندیوں اور علاقائی تنازعات کے باعث شدید متاثر ہو رہی ہے۔ اس صورتحال نے زندگی گزارنے کے اخراجات کے بحران کو مزید بڑھا دیا ہے۔

واضح رہے کہ ایران طویل عرصے سے بین الاقوامی پابندیوں کا سامنا کر رہا ہے۔ ان پابندیوں کے اثرات مقامی معیشت پر پڑ رہے ہیں جس سے عوام کی مشکلات میں مزید اضافہ ہو رہا ہے۔