دوحہ: (رائیٹ ناؤ نیوز) قطر نے ایرانی پائلٹس کی گرفتاری کی خبروں کی تردید کی ہے۔ قطری وزارتِ خارجہ کے مطابق فضائی حدود کی خلاف ورزی پر ایران سے رابطہ کیا گیا تھا۔

قطری حکام نے بتایا کہ ایرانی پائلٹس سے رابطہ کرنے کی کوشش کی گئی تھی۔ جواب نہ ملنے پر دفاعی اقدامات اٹھائے گئے۔ ایران کو سرچ آپریشن کیلئے ٹیم بھیجنے کی دعوت دی گئی جو قبول نہیں کی گئی۔

قطر کی ریسکیو ٹیموں کو ایک ایرانی پائلٹ کی باقیات ملی ہیں۔ ایک پائلٹ کی باقیات کی حوالگی کے لیے ایران سے رابطہ کیا گیا۔ ایرانی پائلٹس کے معاملے پر سفارتی بات چیت جاری ہے۔

یہ معاملہ دونوں ممالک کے تعلقات پر اثر ڈال سکتا ہے۔ ایران نے قطر پر تین پائلٹس کی گرفتاری کا الزام لگایا ہے۔

واضح رہے کہ ایران نے قطر پر الزام لگایا ہے کہ اس نے ایرانی پائلٹس کو حراست میں رکھا ہوا ہے، جس پر قطر نے سختی سے انکار کیا ہے۔